بلبنان، بيبيّن التأثير الدائم للحرب الأهلية (١٩٧٥-١٩٩٠)  بشكل واضح بسنين العنف الّلي اجت من بعدها، الّلي شهدتها الحياة العامة والخاصة. ومع هيدا وكلّو، ما بينحكى بالماضي بشكل مفتوح أو نقدي، وإنما بيتسيّس بالعلن، وبيتوسوش بالسرّ، وبيلقي ظلّ مشؤوم ومستمر عالحاضر. “معبر“  خلق من حشريّة كبيرة والتزام بالوصول لما وراء السرد السياسي السطحي الّلي بيعطونا ايّاه الأحزاب المختلفة، والسعي لفهم أشمل ومتعدد الأوجه للماضي الحديث للبنان، وبالتالي، حاضره.

بلّشنا رحلتنا بالتركيز على فترة الحرب الأهلية. بس، خلال البحث وإنتاج الموسم الأول، كبرت حشريّتنا. تنوصل لفهم حقيقي لوضعنا الحالي، نحنا مقتنعين انّو لازم نتطلّع ابعد من فترة الحرب الأهلية ونفهم العلاقات المعقدة عبر الزمن. بيهدف “معبر“  لاستكشاف تاريخ لبنان بفترات كل ١٥ سنة ، ابتداءًا من الفترة دغري قبل الحرب من ال ١٩٦٠ لل١٩٧٥  لآخر كم سنة من فترة بعد الحرب يعني لل ٢٠٢٠.

كل فترة رح تنحطّ بموسم لوحدو، منظمة حول المواضيع السائدة الّلي بتظهر. بالاوّل، كل موسم رح يقدّم مجموعة موحدة من الأعمال المنشورة بنفس الوقت، ومع الوقت، رح نزيد حلقات إضافية للمجموعة.

تم إنتاجه بشكل بودكاست، بيجمع بين عناصر تاريخ المحكي والوثائقي، ما بتشمل هل مبادرة بس فحص الأحداث التاريخية، بس بتشمل كمان استكشاف بالعمق لتجارب وعواطف وبراعة الناس الّلي عاشوا الماضي. عملنا مقابلات تاريخ محكي مركزة على فترة معينة، وخلّلينا بفكرنا مواضيع محددة. منخلّي يلّلي عم بيخبّروا وقصصهم يوجّهونا ليلّلي بيلاقوه مهم بالقصة. من هونيك، منستخرج مواضيع مشتركة لبناء الحلقات. باستخدام فوائد الفورمات الصوتي، وقت ما يشوفوا الناس يلّلي عم يحكي وينشالوا مؤشرات من وين هوّي ومع ايّا حرب معقول يكون، بيصير المستمع بيركّز ببساطة على فهم يلّلي عاشوه الناس، ويمكن يلاقي انّو هودي التجارب غالبًا بتتشابه عبر خطوط النزاع.

“معبر” بيهدف لتوفير محلّ وين يمكن مشاركة، سماع، وفهم الّلي ما نقال، الّلي حسّوه، والّلي عاشوه الناس من قبل جمهور أوسع. وبنفس الوقت، هوّي مش بس لاستكشاف الماضي، بس ليضوّي كمان  عالأنماط الاجتماعية والسياسية، والصدمات الجماعية الّلي شكلت بصمت الديناميكيّة الّي منتعامل فيها مع بعضنا من وقت الحرب.